Bilduko hautetsiek bat egingo dute irailaren 26ko greba orokorrarekin

Bilduk bat egingo du herri ho­netako sindikatuen gehiengoak irailaren 26rako konbokatu duen grebarekin. Hala azaldu du Kronikara bidalitako pren­tsa oharrean: «Euskal He­rri­ko langileek, urteetan zehar beraien eskubideen alde emandako aurrera pauso guztiak ezerezean uzten ari da Rajoyren go­bernua. Madrildik inposatutako erabaki hauekin etorkizunik ga­be eta indefen­tsio nabarmenean uzten ditu gure herriko langileak. Gazteak eta emakumeak pre­karietatera bultzatzen dira, po­brezia areagotuz. Era berean, sistema publikoa deusezteko era­bakia hartua dute». Hori horrela, Udal ordezkariek gre­ba egingo dute, «egoeraren larritasuna adierazteko, baztertuen eskubideak aldarrikatzeko eta murrizketa eta inposaketa hauei aurre egiteko». Her­naniarrei dei egiten diete mo­bilizazioetan parte hartzeko.