EAJ-PNV alderdiak kezka azaldu du Hernanin zabortegi bat jarri dezaketela argudiatuta

EAJ-PNV alderdiak Kroni­ka­ra bidalitako prentsa oharrean kezka azaldu du, Di­pu­tazioak Hernanin zabortegi bat jarri dezakeela argudiatuta. Mo­zioa aurkeztuko du Plenoan. Ingu­rumen Di­pu­ta­tuak ekainaren 5ean Batzar Nagusietan aurkeztutako dokumentuaren ha­ri­ra azaldu du kezka EAJ-PNVk. Dokumentuak planteatzen du sortzea, Degradatu­ta­ko guneak berritu eta berreskura­tzeko estabilizatutako zabor-fardoen biltegi kontrolatuak. 2014ra­­ko ixtea aurreikusten diren gaur egungo zabortegiak ordezkatzeko izango litzateke. EAJ-PNVk dioenez, «do­ku­men­tuaren arabera, helbururik nagusiena da gaur egungo zabortegiak itxi eta bigarren mailako hondakinak bo­ta­tzeko gune berriak zabal­tzea. Baina 49/2009 dekretuaren arabera, hondakindegia da hondakinak lurpean edo lur azalean gordez, hondakin ho­riek ezabatzeko instalazioa. Bigarren mailako hondakinak botatzea, izenak berak esaten duen bezala, hondakinak bo­ta­tzea da. Hondakinak baldin badira, hondakinak dira eta lur azalean biltzen badira, hon­dakindegi batean biltzen dira. Eta Europatik hondakindegi horiek ixteko epea dago». Eta gaineratu du: «gaur egun dauden zabortegiak itxi nahi dira betelana eginez eta Gipuzkoan dauden harrobi eta meategiak hondakindegi berri bihurtuz».

Bi puntu, mozioak
Hernanin Santa Barbarako ha­rrobia dagoela azpimarratuz, Plenoan honako bi puntuak onartzea eskatzen du EAJ-PNVk: 1.- Santa Barba­rako ha­rro­bia eta udalerrian dauden koba eta meategi guztiak `es­ta­bilizatutako za­bor-fardoen biltegi kontrolatu´ gisa ez erabiltzea; 2.- Ale­gazioak presta­tzea udalerrian dauden harrobi eta meategi guztiak barneratu nahiko lituzkeen Lurral­deko Plan Sektorialari.