Atzo hasi zen Hernaniko 10 gazteren aurkako epaiketa Madrilgo Auzitegi Nazionalean. Irati Sarasua kazetari hernaniarra bertan da epaiketa jarraitzen eta Kronikari atzoko saioaren berri eman dio. Atzo, bost gaztek deklaratu zuten: Ekaitz Telleria, Jon Ezeiza, Txaber Zabaleta, Antton Zabala eta Iñigo Alzelaik. Fiskalak eginiko galderei erantzutea ukatu zuten gazte guztiek eta ondorioz euren abokatuen galderei soilik erantzun zieten. Guztiek ukatu zuten fiskalaren akusazioa; Segi gazte erakundeko kide izatea eta ekintza ezberdinetan parte hartzea. Ezeizak eta Alzelaik inkomunikatuta egon ziren bost egunetan jasandako tratuaren inguruan hitz egin zuten, atxiloketa unean eta gerora izandako tratuaren xehetasunak azalduz. Gaur beste bost gazteek deklaratuko dute: Egoitz Balerdi, Mikel Garzia, Asier Olano, Ekhi Oñate eta Aitzol Arrietak. Epaiketa 28ra arte luzatuko da.
Epaiketa, Twitter-en
Epaiketaren berri zuzenean izan eta orain arteko deklarazioak irakurri daitezke @gazte1gehioez twitter kontuan.