Adin guztietako herritarrei zuzenduta, hau da, haur eta helduei zuzenduta xake ikastaroa antolatu du Hernaniko Xake Taldeak. Ikastaroa urrian hasiko da eta bihar bilera izango da egutegiaz eta ordutegiaz hitz egiteko. Bilera arratsaldeko 17:00etan izango da xake taldearen lokalean (Aristizabal, 5). Ikastaroan hasierako eta oinarrizko pausuak erakutsiko dituzte.
Txapelketetan parte hartu nahi dutenei deia
Xake taldetik jakinarazi dute, Xake Txapelketetan parte hartu nahi duten hernaniarrak eurekin harremanetan jartzeko. Maila guztietako jokalariei egiten diete dei: benjaminak, alebinak, infantilak... Banaka edo taldeka hartu dezakete parte eta animatzeko dei egiten diete. Interesa izanez gero, honako telefonora deitzeko azaldu dute: 699 843 778.