hernanik ez du amore ematen; ez behintzat epaileak partidua bukatutzat eman arte. Gernikaren kontra saiatu, eta atzo lortu egin zuten. Ia partidu osoan atzetik joan arren, azken minutuetan buelta eman, eta lau punturekin itzuli dira trikoloreak; aurreneko garaipenarekin.
Azken minutuetan, eromena
Hutsean mantendu zen markagailua partiduaren azken minutura arte. Atsedenaldira iristeko minutu gutxiren faltan, galiziarrek bi zigor kolpe gauzatu zituzten, eta aurretik jarri ziren. Hernanik tartea berehala gutxitu zuen, zigor kolpe bat gauzatuta. 6-3 galtzen joan ziren atsedenaldira.
Bigarren zatiko 68garren minutuan entsegua egin zuen Vigok, eta 13-3koarekin, 10 puntuko aldearekin aurretik jarraitzen zuten markagailuan. Hernanik ez zuen amore eman, eta azkeneko urteetan erakutsitako ausardia eta joko onari esker, 3 entsegu egin zituzten jarraian.
Hala, 16-20ko emaitzarekin, denboraldiko aurreneko garaipena lortu zuten; eta baita lehendabiziko 3 puntuak ere. Garaipen garrantzitsua izan zen atzokoa, etxetik kanpo irabazteaz gain, ziurrenik arerio zuzena izango den taldea gailendu baitzuten.
Etxean, Cisnerosen kontra
Hernani asteburuan estreinatuko da Ohorezko Mailan, Landaren. Talde ezaguna izango dute aurrean, igoera lortzeko bidean aurkari izan zuten Cisneros talde madrildarra.