DAGOENEKO eman dezakete izena AEKn euskeraz ikasi nahi duten herritar guztiek. Aukera zabala dute aurten ere, norberak ondoen dagokion ikastaro edo eguna aukeratu dezan. Lau ikastaro mota eskainiko dituzte aurten: euskalduntze taldeak, azterketak lantzeko taldeak, autoikaskuntza eta guneak.
Ohiko ikastaroez gain, hainbat egitasmo ere antolatzen dituzte urtero, euskera klaseetara mugatu ez dadin. Zilegi Eskolak ez dira faltako aurten; eta ezta mintzalagunak ere; gainera, bi ekitaldiak debalde dira. Eta ohiko afari, irteera eta asteburuetako barnetegiak ere, antolatuko dituzte.
Izena emateko hiru modu
Izena emateko epea iraila osoan egongo da zabalik, goizez, 09:00etatik 13:00etara eta arratsaldez, 16:00etatik 20:00etara. Horretarako hiru bide daude: Larramendi 11ko lokalera jo; 943 55 78 01 edo 607 59 28 64ra deitu; edo hernani @aek.org-ra idatzi.