Denboraldi berria hasi du Hernaniko igeriketa taldeak. Joan den astean elkartu ziren entrenamendu egunak zehaztu eta ordutegien berri izateko; eta bide batez, taldekide izango diren guztiekin argazkia ateratzeko. Igeriketa elkartetik gogoratu nahi dute taldean parte hartu nahi duten guztiek aukera dutela oraindik. Interesa duten pertsonek igerilekutik pasa behar dute informazio bila; arratsaldez, 18:00etatik 20:00etara.
25 urte, aurten
Hernani igeriketa taldeak 25 urte beteko ditu aurtengo denboraldian, eta jakinarazi dutenez, urtean zehar hainbat ekitaldi antolatuko dituzte, ospatzeko asmoz.