Euskaraz bizi nahi dut! lasterketa korrituko da hilaren 22an Hernanin. Euskararen Gizarte Erakundeen Kontseiluak antolatu du, eta Euskal Herrian, 80 herritik gora dira bat egin dutenak, tartean, Hernani.
Distantzia,
kategoriaren arabera
Lasterketa Urbieta kaletik abiatuko da, arratsaldeko 16:00etan. Lau kategoria izango dira, eta distantzia, hauen araberakoa izango da. Txikienek, 3-6 urte bitartekoek, 200 metro korrituko dituzte euskeraren alde. 7-11 urte bitartekoek, 500 metro; 12-14 artekoek kilometro bat; eta azkenik, 15 urtetik gorakoek 5 kilometro.
Prezioei dagokienean, 14 urte bitarteko haur eta gaztxoek 2 euro ordaindu behar dituzte; eta 15 urtetik gorakoek 5 euro.
Lasterketan parte hartzeko kamisetak ere jarriko dituzte salgai, Euskaraz bizi nahi dut! lemarekin. 5 euroan izango dira aukeran lasterketa aurretik Kiroldegiko bulegoan; eta egunean bertan, goizean, Kiroldegiko sarreran eta arratsaldean, irteeran.
Izen-ematea, etzira arte
Lasterketan parte hartu nahi dutenek ostiralera arte dute epea zabalik. Kiroldegiko bulegoan eman daiteke, kirola@hernani.net helbidean, atletismoko lokalean, eta Ibai Mendi eta Mitxel dendetan.
Parte hartzaile guztiek jasoko dute diploma; eta bukaeran, 3 opari zozketatuko dituzte: argazki makina, mp3a eta bideo kamera.