orona marka eta produktua geroz eta ezagunagoa da Europan. 30 enpresa baino gehiago ditu, eta presentzia zabalduz doa. Jakinarazi dutenez, Elevator AS enpresa erosi berri dute, Noruegan. Bi enpresak aspaldidanik aritu dira elkarlanean, eta horrek, salerosketa erraztu du. 30 langile ditu erosi berri duen enpresak, eta 2011n 8 milioi euroko irabaziak zituen. Noruegako Hamar hirian du egoitza Elevator ASek, eta honez gain, beste bi egoitza ere baditu: Oslon eta Sandfjordenen.
2011 positiboan itxi du Oronak
Krisi garaia bada ere, Oronak positiboan itxi du 2011 urtea. Azaldu dutenez, negozioaren hazkuntzak zerikusi zuzena du nazioartera zabalatzearekin. Hala, Espainiatik kanpora egiten dituzten salmentak %45ekoak izan dira; 2010 urtean baino %5 gehiago.
DATUAK
- Hornitzailea da 99 herrialdeetan
- Munduko 180.000 igogailuk Orona teknologia dute
- 4.000 profesionaletik gora ari dira lanean