‘Barrura begiratzeko leihoak’ filmaren aurrestreinaldia

Barrura begiratzeko leihoak film dokumentalaren aurres­­treinaldia izango da gaur Donostiako Victoria Eugenia antzokian. Doku­men­ta­la ikus­teko aukera izango dute gaur, filma egiteko bono laguntzak erosi zituztenek. Estreinaldia, berriz, urria bukaeran izango da.
Barrura begiratzeko leihoak bost euskal preso politikori bu­ruzko filma da, bost zu­zendarik zuzendua. Tarte­an da Enara Goikoe­txea zuzendari hernaniarra. Zu­zen­dari bakoitzak preso ba­ten istorioa kontatzen du, al­de pertsonalean eta humanoan zentratuta. Ekoiz­tetxea, Zi­nez da.
Goikoetxeak Jesus Mari Zalakain presoaren istorioa kontatzen du. Zalakain 18/98 kasuagatik dago kar­tzelan. Gainerako lau zuzendariak eta protagonistak ho­na­koak dira: Josu Martinez zuzendariak Irati Tobar presoaren istorioa landu du; Mireia Gabilondok Gotzone Lopez de Luzuriagarena; Txa­ber Larreategik Jon Ugar­terena; eta Eneko Olasagas­tik Mikel Albisu Antzarena.

Diru laguntzekin saltsa
Udaran nahikoa saltsa sortu zen diru laguntzen kontuagatik. Donostiako Udalak (Bil­du dago gobernuan), 9 mila euroko diru laguntza emateko asmoa zuen, baina Espainiako Gobernuak jakitera eman zuen Bildu legez kanpo uzteko arrazoitzat har­tu zitekeela. Instituzioe­tako diru laguntzei uko egitea erabaki zuen Zinez ekoiztetxeak eta kanpaina bat martxan jarri zuen herritarrei laguntza eskatuz. 2-3 astetan, 40.000 euro lortu ziren; filma aurrera ateratzeko nahikoa.