Grebarekin bat egin zuten atzo gehienek

Murrizketen kontra, eta lan eta gizarte eskubideen al­de, Greba Orokorra deitu zuen atzo Hego Euskal Herriko sindikatuen gehiengoak: ELA, LAB, ESK, STEE-EILAS, EHNE eta HIRUK. Sindika­tuekin bat, ehundaka gizarte eragilek ere grebarako dei egin zuten.
Hernanin, langile gehienek, bat egin zuten deialdiarekin. Erdigunean, komertzio txiki guztiek itxi egin zuten; eta Lidl, Eroski eta bestelako kate haundiek ere, bat egin zuten greba deialdiarekin. Indus­tria­gunee­tan, enpresa txiki eta haundi askok egin zuten bat grebarekin; besteak beste, AMR, Orona, Ubis, Sete eta Loirek. Hala ere, beste enpresa askotan lanean ari zirela sumatzen zen, nahiz eta ateak itxita izan.
Erakunde publikoei dagokienean, Udaleko eta On­gintzako langileek greba egin zuten. Udaltzaingoak bere oso­tasunean egin zuen lana, eta sarrera erregistroa bertan egiteko aukera izan zen goizean zehar; hilobira­tze zerbi­tzua ere, eskaini zen. An­bu­lategiari dagokionean, zerbi­tzu minimoak eskaini zituzten. Herriko ikastetxe eta institutuan, jarraipena ia erabatekoa izan zen.
Sindikatuak gustora ziren Her­nanin izandako jarraipena­re­kin eta baita Buruntzalde­ko­arekin ere. Aurreko Greba Oro­korraren antzeko jarraipena izan zuela azaldu zuten, nahiz eta ora­ingoan, CCOO eta UGTk ez de­i­aldirik egin. Manifesta­zio­e­tan ere, aurrekoetan baino jen­de gehiago zela azpimarratu zut­­en.

Sindikatuak:
«jarraipena %70ekoa,
batez ere Gipuzkoan»
Datu orokorrei dagokienean, sindikatuek balorazio oso po­si­tiboa egin zuten atzo, manifestazio nagusia bukatu ostean. Ja­rraipen haundiena Gipuz­koan izan zela azaldu zuten; eta da­tuei erreparatuta, industrian eta hezkuntzan izan zirela la­nuzte gehienak. Gre­baren ja­rrai­pena %70 ingurukoa izan zela azaldu zuten. Esker oneko hitzak eta animoak eman zizkieten kaleak hartu zituzten guztiei, eta gogoratu zuten, greba eta mobilizazioak direla murrizketei aurre egiteko bide bakarra.

Eusko Jaurlaritza:
«%20ko jarraipena»
Jaurlaritzak emandako da­tue­tan azaldu zuen, jarraipena aurreko Greba Oroko­rrekoa baino askoz bajuagoa izan zela, %20 ingurukoa. Lanuzte gehie­nak industrian eta hezkuntzan izan zirela esan zuten; eta gu­txiena, zerbitzu publikoetan.