Behemendi Buruntzaldeako Turismo Erakundeak, ikastaroa antolatu du bezeroekin harreman zuzena duten langileei zuzendua. Gomendatu zure Eskualdeko Leku eta Zerbitzuak izena du ikastaroak eta helburua da Buruntzaldeako eskualdea gertutik ezagutzea, bezeroei gomendioak egiteko garaian jakinda hitz egin ahal izateko. «Izan ere, bezeroekin harremanetan egonda, ondo datorkigu gure ingurua ezagutzea eta hori zabaldu ahal izatea: naturguneak, museoak, hotelak, nekazalturismoak, jatetxeak, sagardotegiak, interesgarri izan daitezkeen leku ezberdinak, bisita gidatuak...», azpimarratu dute.
Ikastaroa: eskualdean zehar, bisita
Ikastaroa irailaren 25ean izango da 15:00etatik 19:00etra. Astigarragatik abiatuta, bisita bat egingo dute eskualdeko lekuak ezagutuz.
Izen ematea, hilak 18ra arte
Izen ematea zabalik dago irailaren 18ra arte. Izena emateko: 656 705 243 edo donostialdea@behemendi.org. Izena emateko honako datuak eman behar dira: izen abizenak, Nortasun Agiria, telefono zenbakia, posta elektronikoa, enpresa, herria eta ikastaroaren izena.