Astigarragako Kizkia taldeak 13garren sagardo lehiaketa antolatu du, Gure Izarra elkartean. Taldeko partaideek beste behin probatuko dituzte Gipuzkoan dauden 20 sagardotegi ezberdinetako sagardoak. Tartean izango dira Hernaniko Itxasburu eta Otsuenea sagardotegiak. Hiru egun ezberdinetan sailkapenak izango dira eta sei sagardok bakarrik lortuko dute finalerako txartela. Sailkapen egun bat abuztuaren 29an izan zen eta hurrengo biak bihar eta irailaren 12an izango dira. Finala berriz, irailaren 19an izango da. Bazkaria egingo dute Astigarragako Gure Izarra elkartean.
20 sagardotegiak:
Hernani: Itxasburu, Otsuenea.
Astigarraga: Lizeaga, Petritegi, Alorrenea, Gurutzeta, Oiarbide, Larrarte, Irigoien, Artola.
Aduna: Zabala, Aburuza.
Usurbil: Urdaira.
Oiartzun: Baleio, Ordozelai.
Urnieta: Eula, Altuna.
Andoain: Gaztañaga.
Abalzisketa: Zalbide.
Legorreta: Aulia