150 jokalari eta ‘Satorkeitan’ txapeldun, Elkartasunezko Futbol 7 Txapelketan.

Bazen mugimendua larunbatean Zubipen. Hiru zelai prest jarri zituzten, eta 15 talde aritu ziren zein baino zein, Elkartasunezko Futbol 7 Txapelketan. Gehienak Hernaniko koadrilak ziren, baina baziren Andoaindik eta Lasartetik etorriak ere. 10 minutuko partidu azkarrak, asko penaltitan erabakitakoak, eta denetan onenak: Satorkeitan. Sagardotegian otordu ederra irabazi zuten, eta gogoarekin geratu zirenak, finalistak: Langile C taldea. Elkartasunezko ostikada jo zuten Zubipera jaitsi zirenek. Bazkari­tan ere 140 lagun inguru elkartu ziren, eta ez zen faltatu urteroko bazkalosteko mus txapelketa azkarra ere.