Denentzat izan zen aukera EkoBiran

Aukera haundia zen atzo Plaza Berrin, denentzako gustoa egiteko modukoa. Egural­diak ere lagundu zuen, eta hernaniarrek xox batzuk har­tu eta buelta bat egin zuten EkoBira Azokan.

Kontsumo iraunkor baten aldeko azoka da EkoBira, eta he­rriz herri dabil, Kutxa Eko­guneak antolatuta. Atzoko azo­ka, gainera, Hernaniko Uda­larekin batera antolatu zuen Kutxa Eko­gu­neak, bi era­kundeek elkarrekin duten hitzarmena dela medio. Hi­tzarmen hori sinatu zutenetik, Kutxa Ekoguneak eta Her­na­niko Udalak lau ekimen antolatu dituzte: arraindegi eta harategietako tupper kanpaina; olioa birziklatzeko makinak jartzea; herriko ikastetxeetako jangeletan menu ekologikoen kanpaina, eta atzokoa.

Azoka ez-ohizkoa
Normalean bilatzen ez diren gauzak aukeran zeuden atzoko azokan; denak Eko ideiari segitzen ziotenak. Hernaniko Kilima kamiseta egileek adibidez, kamiseta ekologikoak erakutsi zituzten. Eneko Ga­larraga hernaniarrak azaldu zion Kronikari: «kamiseta hauek algodoi ekologikoarekin egindakoak dira, pestizida gabe hazitako algodoiarekin; lurrari kalterik ez die egiten eta azaleko alergientzat alde ederrekoak dira. Gainera, irudiak egiteko pinturak ere ekologikoak dira: urarekin egindakoak...». 21 posturen ar­tean, baziren hernaniar ge­hia­­go ere: Berrer@2 bigarren eskuko zentruko kideak, Ipa­rragirre Sagardo Ekolo­gi­koa, Ziku zilargilea, eta Pupilbags motxilagileak.

Kuriositateen artean, energia garbiekin egindako tresnak, etxeetako instalazioak, eta baita Emausek egindako Her­nani­ko mapa bat ere, kontsumo-arduratsuko dendak edo puntuak azaltzen dituena.