Amparo Sanchezek kontzertua emango du igande honetan Hernaniko Bodega tabernan. Amparanoia taldean hainbat urte eginda, ezagun bihurtu zen Amparo Sanchez, eta badira lau urte bakarkako lanean ari dela, bere izenarekin. Estilo lasaiagoak entzungo ditu entzuleak, kantu leunagoak, eta musika sosegatua. Hala ere, erritmoa barruan daramaki musikari haundi honek, eta dantzarako aitzakia jartzen du tabladura igotzen den guztietan.
Disko bat kalean,
beste bat bidean
Tucson-Habana diskoa grabatu eta bide berriari ekin zion Sanchezek, eta oraintxe labetik ateratzeko dauka bigarrena, Alma de Cantora. Normalean talde haundiagoarekin ibiltzen bada ere, igandean formatu xumea dakarki Bodegara: ahotsa, gitarra eta perkusioa. Kontzertua dohainik da, 20:00etatik aurrera.