Luis Goñi azkarrena, islari buelta ematen

luis Goñik beste erakustaldi bat eman zuen asteburuan Donostian, Santa Kla­ra Islako Zeharkaldian, eta irabazi egin zuen, 3.000 me­troak 41:19 minutuan eginda. Jaime Caballerok 7 se­gundu gehiago behar izan zituen, beraz, esan liteke ia sprintean sartu zirela biak. Bigarren hernaniarra Alaz­ne Egiazabal izan zen, sailkapen nagusian 65garrena, eta bere kategorian 13ga­rrena (52:18). Hirugarren hernaniarra, Iñigo Goñi, Luisen anaia, 79garrena. Guztira, 303 igerilarik bu­katu zuten proba.

Goñi & Caballero, lehia polita
Goñi eta Caballero. Ondo ezagutzen dute elkar hernaniarrak eta do­nostiarrak, eta aurten Gi­puz­koako li­gan borroka po­lita daukate elkarren kon­tra. Ligako bi probetan neurtu dituzte indarrak, eta bat Caballe­rok irabazi zuen (Getaria-Zarautz; Goñik 3garren egin zuen), eta bestea Go­ñik, islakoa. Hurrengo bi probetan erabakiko da lehia: Haize Orrazia, irailaren 1ean, eta Kontxako Badia, irailaren 8an.