portuko jaien ezaugarri bat izaten da, haurrentzako prestatzen duten ekintza pila. Aurten ere non kabitua jarri zaie txikienei, eta batez ere ostiral eta larunbatean daukate egitarau zabal zabala. Portuko, herriko eta inguruetan umeak ez dira faltako hiru egunotan, San Joan Txikietan. Ez dira faltako haurrentzako jokoak: zaku karrera, lokotxa eta abar, eta ezta elastiko, puzgarri, olla eta abar ere. Ikusmin haundintsuena aurten ere pailazoek sortuko dute, bihar, larunbata, 19:00etan: Patxin eta Potxin pailazoak.
Marrazten hasi eta lokotxak biltzen bukatu
Gaur goiz eta arratsalde txikienak izango dira protagonista haundi. Goizean goiz hasiko dira marrazki eta pintura lehiaketarekin. Buruhaundiak izango dituzte txupinazoaren ostean, eta hor egindako korrika pilak lasaitzeko, marrazki erakusketa dute, 13:00ak aldera. Haur jokoak ere prest daude, abilenentzako: zaku karrera, aulki jokoa, lokotxak, ura eta hirinaren jokoa, eta abar, arratsaldean. Goiz eta arratsalde guztian zehar haurren parkina izango da: puzgarriak, ohe elastikoak, parke txikia, olla...
Larunbata, pailazoen eguna
Pailazoak izan litezke larunbatean ikusmin haundiena piztuko dutenak. Patxin eta Potxin pailazoak izango dira, haurrentzako azken orduko ekitaldia, 19:00etan, baina aurretik hiru ekitaldi badituzte. Goiz-eguerdi partean, haur jokoak izango ditu, ostiralean joan ezin zuenak. Bazkal aurretik, zinta lasterketa dibertigarria, eta tiro karabina txapelketa. Haurrentzako egitarau nagusia hor bukatuko da, baina seguru bilatuko dutela denbora pasarik, han eta hemen. Igandeko jendetzarekin, lagun faltarik ez dute izango.