Pelota gozoarekin ariko dira, baina ez da berriketarik izango gaur, Goizuetako lau pelotari beteranoren artean. Punta-puntan ibiliak, herrian oso ezagunak, eta oraindik sasoi ederrean daudenak, nahiz 20-25 urte pasa diren, zuriz janzten ez direla. Proposamena egin zitzaien, jaietan elkarrekin jokatzeko, eta inork ez zuen ezezkorik esan. Alde batetik, Iñaki Lujanbio eta Joxanton Apezetxea; eta bestetik Juantxo Apezetxea eta Miguel Angel Salaberria Buruxuri. Arratsaldeko 13:00ean, Goizuetako frontoian. Ondoren, Goizueta-Arano.
Gailur gailurrean ibiliak
Ez da nolanahiko laukotea ariko gaur, hainbeste ezagutzen duten frontoian: Lujanbio, besteak beste, txapeldun olinpikoa izan zen 1992an, Bartzelonan, eta munduko txapelduna 1990ean Kuban. Joxanton Apezetxea, GAVN txapelketa irabazitakoa, 1987an Lujanbiorekin, Unanue eta Goikoetxearen kontra; Antiguon hainbat txapel irabazia eta Nafarroako Herriartekoan ere bai. Aurrean dituztenak ez dira makalagoak. Juantxo Apezetxea buruz buru munduko txapeldun izan zen, 1990an Kuban, eta Buruxurik ere baditu txapelak bitrinan, Nafarroako Herriarteko bi, gutxienez, bai.
Peñaren Eguna, gaur
Egitarau zabala daukate gaur Goizuetan, eta ikusmina piztuko duen beste ekitaldia, Umore Ona Peñaren kalejira, arratsaldeko 17:30ak aldera. Zezenak ere izango dira 18:00etan, Plazan.
Espektakuloa beteranoen esku, gaur, Goizuetako frontoian
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!