Gogor hasiko du aurredenboraldia Hernanik, datorren larunbatean, Anglet Olympique taldearen kontra. Angeluko taldeak iaz hirugarren postuan bukatu zuen Frantziako Federale B liga, eta ondo etorriko zaie hernaniarrei horrelako talde baten kontra aritzea.
Angeluko zelaian
Etxetik kanpora jokatuko dute hernaniarrek larunbatean, Angeluko zelaian, arratsaldeko 18:00etatik aurrera.
Saran, hilaren 25ean
Sasoiean jarri nahi dute hernaniarrek irailaren 9an hasiko duten liga baino lehenago. Horretarako, abuztuaren 25ean Sarako torneoan ariko dira, eta irailaren 1ean partidua dute, Landaren: Biarritz Olympique izango dute aurrean, 21 urtez azpikoak.
Gernikaren kontra hasiko du liga Hernanik, irailaren 8an, arratsaldeko 17:00etan, Gernikako Urbieta zelaian.