Xabat Aizpiolea bigarren urtez segidan, Copenhageko Ironman gogorrean

Joan den astean, 2.000 lagunek egin zuten Copenhage-ko Ironman gogorra, eta tartean zen hernaniar bat: Xabat Aizpiolea Zumitza triatloi taldeko kidea. Bigarren urtea zuen Aizpioleak, eta 526 postuan bukatu zuen; bere kategorian 109 postuan. 10:57:11 ordu behar izan zituen Aizpioleak proba egiteko: 3.800 metro igeri, 180 km bizikletan, eta 42 km korrika. Aaron Farlow eta Camilla Pedersen izan ziren irabazleak, zortzi ordu eta erdi, eta bederatzi orduko denborekin.