Urrutia Iak ikusleak bereganatu nahiko ditu, sei hilabete eta gero

mexikotik etorri da Buruz Buruko Txapelketa Nagusia jokatzera, Kutxa Saria, eta Urrutia Iak bere ikusle gogokoenak bere­ga­natu nahiko ditu berriz ere, Galarretan. Faborito aterako da, konpetiziotik kanpora ibili den arren, bera baita azken urteetako izarra. Bi txapel baditu saldiaskoak; beraz, izena bakarrik ez, badu izana ere. Juaristi gaztea izango du aurrean. Zarauztarrak pre­bia irabazi zuen uztailean, eta onenen artean sartzeko txartela lortu zuen. Ligillako lehenengo partiduan irabazi egin zuen, onenetako baten kontra, Zeberio IIren kontra, hain zuzen; ligillako biga­rre­na, berriz, galdu, San Miguel haundi baten kontra. Gaurkoak dena erabakiko dio, bere bidean: irabazten badu, final erdietara pasako da. Galtzen badu, zain egon behar, eta aukera gutxirekin. Dudarik gabe, azken den­boraldiko ikusmin haun­diena piztu du Galarretan gaurko partiduak. Jaialdia 16:00etan hasiko da, eta lau partidu izango dira. Txapelketakoa, bi­garrena, 17:00ak aldera. Az­ken partiduan her­na­niar bat ariko da: Barrenetxea IVa.