partidu hasieran minutuko isilunea egin zuten Zubipen, joan den larunbatean, Cristina Ramos, Ricardo Ramos CD Hernaniko lehendakariaren alabaren omenez. Hunkituta hasi zuten partidua bi taldeek eta ikusleek, eta ikuskizun polita eskaini zuten, bi taldeentzat aurredenboraldiko lehendabiziko partiduan. Beasainek irabazi zuen partidua, 0-1, baina Hernanik joku ona erakutsi zuen.
Lau aldaketa nabarmen
Makina martxan jarrita ikusteko eguna izan zen larunbatean, eta zaletuei erakustekoa ere bai. Taldea lehengoa da, %85ean. Blokea mantendu egin da, eta aldaketa nabarmenenak lau: hiru jokalari berri, eta entrenatzailea. Uztailaren 30ean hasi zuten aurredenboraldia, eta 8 entrenamendu egin dituzte elkarrekin. Joan den urtean hirugarren mailatik jaitsi arren, aurten ilusioz dago taldea Ohorezko Erregionalen mailan jokatzeko.
Hilabete falta, liga hasteko
Datorren hilean hasiko du liga Hernanik, irailaren 16an. Bitartean, aurredenboraldian beste partidu batzuk jokatu behar dituzte. Datorren larunbatean dute bigarrena, etxetik kanpora, hirugarren mailako beste talde baten kontra: Pasaia. Pasaian jokatuko dute, 17:00etan.