Suak hartu zuen atzo goizaldean Hernaniko Indartu enpresa. Ez zen zauriturik izan, baina kalte material haundiak eragin zituen. Sutea goizaldeko 01:00ak inguruan piztu zen enpresaren biltegi eta montaketa gunean. Enpresa Lastaola poligonoan dago eta bertako bizilagun bat konturatu zen suteaz bere txakurren zaunkak zirela eta. Goizeko 05:00ak alderako suhiltzaileek guztiz kontrolatua zuten sutea. Herrizaingo Sailaren informazioaren arabera, oraindik ez dakite sua nola piztu zen.
Enpresaren heren bat erreta
Indartu sukaldeko altzariak egiten dituen enpresa da. Denera, 3.500 m2 inguruko azalera du eta horietatik 1.000 m2-tik gora erre zituen atzoko suteak; enpresaren heren bat, hain zuzen. Biltegi eta montaketa gunea erre zen eta bertan egur ugari izan ohi dute.
Indartu SAL Lan Sozietate Anonimoa da eta 13 langilek osatzen dute.