Zer moduzko sagardoa den aztertzeko aukera, Fraisoron

Sagardoa dastatzeko le­kua eta taldea sortu ditu Gipuzkoako Diputazioak, Frai­soroko laborategian. Sa­gardogileek aukera izango du­te, hemendik aurrera, be­raien sagardoak Fraisorora eraman, eta han sagardoa nola dagoen jakiteko, itxura, usai eta zapore aldetik.

Sagardoa beste modu batera kalifikatuko da dastatze-lekuan. Usaia, zaporea eta itxu­­ra neurtuko dira, eta ho­rretarako protokolo bat zehaztu dute, sagardogileek eta sektoreko teknikoek gidatuta. Orain, 20 dastatzaile au­ke­ratuko di­tuzte 65 lagunen artean, eta ho­rre­ta­ra­ko formazio ikastaroak egin eta proba batzuk gainditu beharko di­tuzte.

Zer aztertuko da?
Aldez aurretik erabakita dago zer eta nola aztertuko den, denborarekin hau guztia egokitzen joan baliteke ere. Ho­rre­tarako, taula bat egin dute, lau atal nagusitan banatuta: itxura (ko­lorea, itxura), usaia (indarra, benetakotasuna, ka­litatea), zaporea (indarra, be­netakotasuna, kalitatea, iraupena ahoan) eta inpresio orokorra (harmonia). Horren arabera, dastatzaileek esango dute sagardoari ze puntuazio ematen dioten. Puntuazioari begiratuta, atalik garrantzi­tzuena zaporea da. 0-tik 100 puntura arteko puntuazioa izango dute sagardoek.

«Etorkizuneko sagardoa»
Joan den ostegunean aurkeztu zuten Fraisoroko dastaleku berria, eta bertan ziren sagardogileak, Di­pu­tazioko eta Fraisoroko arduradunen artean. Gipuzkoako Sagar­do­gi­leen elkartearen izenean hitz egin zuen Ibon Aburuzak azaldu zuenez, «tabla honek markatuko digu, etorkizunean ze sagardo modu egin behar dugun».

Koldo Lizarralde Gipuz­koa­ko Foru Aldundiko Lan­da Garapeneko zuzendariak, eta Domingo Merino Frai­soroko laborategiko zuzendariak pren­­tsaurrean esan zutenez, orain helburua da, dastatze-gune honek Egiaz­tapeneko Erakunde Nazio­na­laren (ENAC) ziurtagiria lor­tzea.