Javi Perez Vacas hernaniarraren omenez partidua jokatuko dute gaur, 12:00etan, Hernanik eta Stadium Casablanca taldeak, jubeniletan. Hamabi urte badira Hernanik eta Zaragozako Stadium Casablancak memorial hau jokatzen dutela. Perez Vacas oso maitea zen Hernanin, entrenatzaile lanetan aritu baitzen urte luzez. Jubenilen taldea entrenatzen zuen Perez Vacasek, eta harreman haundia zuen Zaragozako Stadium Casablancarekin. Horregatik, urtero etortzen dira Zaragozatik Hernanira partidu hau jokatzera, eta gaur ere hor izango dira Zubipen. CD Hernani taldeak dei egin die futbolzale guztiei Zubipera azaltzeko gaur, Hernanin lan haundia egin zuen Perez Vacasen omenezko partidura. Dohainik da.