hernaniko bi arrantzale gazteak aurreko muturrean ibili ziren joan den asteburuan. Xuban Adrianek 3garren postuan bukatu zuen, eta Josu Fernandezek 7garrenean. Txantxangorri elkartea leku onean utzi zuten. Infantil mailako Itsas Arrantza txapelketa jokatu zen asteburuan, Zurriola elkarteak antolatzen duena, aurten 34garren aldiz, eta Juan Carlos Berridi Zubiaren oroimenez. Guztira 40 gaztek parte hartu zuten txapelketan, eta hiru orduz kañak botata egon ziren, Paseo Berrian.
604 gramoko pieza
Txapelketako piezarik haundiena ere Xuban Adrian hernaniarrak harrapatu zuen, 604 gramokoa. Guztira, Adrianek 793 puntu lortu zituen, eta hirugarren postua. Josu Fernandezek 182 puntu lortu zituen, eta zazpigarren postua. Iñaki Diezek irabazi zuen txapelketa, Intxaurra elkartekoak, eta bigarren postua Aitziber Pousa, Izkiro taldekoarentzat.