Larrabideren ‘Stihl’-ak erabaki zuen herri kiroletako proba

Zerra motorrarekin Larra­bidek juxtu-juxtu irabazi zion Larrañagari, eta horrek enpatatu zuen Herri Kirol proba. Gero, txingetan Ima­nol Paollak errematatu zuen norgehiagoka. Ikuskizun po­li­ta, aurreko urteetakotik ez­berdina, eta jendetza berriz, beti bezala, toperaino.

San Inazio jaiak ospatu zituzten atzo Santa Barba­ran. Espero bezala, goizean goizetik igo zen jendea, eta haientzako festa mimo haundiz prestatu zuten antolatzaileek.

Aiert, Manex, Axel eta Garikoitz, etorkizun oparoa
Herri kiroletan lau gazte ikusi genituen atzo, helduagoek ze fundamentu egingo zuten bildurrez edo. Lokotxak biltzen Aiert eta Manex azkarrenak, Larrabide eta Paollarekin batera, atzoko irabazleak. Beste lauak ere ederki: Axel eta Garikoitz, eta Larra eta Barrenetxea.

Bertsotan ere zahar eta gazte aritu ziren: Mendiluze, eta ha­ren itzalean, Pagola eta Mar­tikorena. Gazteek ederki kanta­tu zuten, hasierako nerbioak bota eta gero. Triki­ti­la­riak ere berriak ziren atzo, eta saltseroak. Iñaki eta Gari errepertorio luzeko trikitilariak dira, eta kantu-modu askotara animatu ziren atzo Santa Barbarako bazterretan; ber­tsotan ere ekin zioten Men­diluzeri, eta bai honek eran­tzun ere (alderantziz ez zuten probatu, badaezpada ere).
Bazkal garaian mahaiak eta erromerian plaza, bete bete egin ziren atzo.