Agur denboraldiari, titulu ofizial guztiak irabazita, eta 29 txapelekin

Titulu ofizial guztiak irabazi dituzte aurten Herna­niko pelotariek, bat izan ezik: Euskal Herriko He­rriar­tekoa. Guztira 29 txapel, 58 final jokatuta. Ospatzeko moduko emaitza da, eta halaxe egin zuten larunbatean, Peña Otañon, Burun­tzal­deko Torneoko finalak jokatu eta gero.

Goi mailako taldea, goi mailako emaitzak
Taldeko arduradunek ez du­te dudarik, eta pelota jar­tzen dute Hernaniko kirolaren goi mailan: «Hernaniko kirolaren goien mailan gaude, errugbiarekin ba­tera, haiek ere denboraldi bi­kaina egin baitute, nola ukatu».
Gravn Torneoa 5 pelotarik irabazi dute; Euskal He­rri­ko Txa­pel­keta 6 pelotarik; Gi­puz­koako Txapelketa 8 pe­­lo­tarik; eta Gipuzkoako He­rriar­t­ekoa ere irabazi egin dute, bigarren urtez jarraian.

Bazkaria Peña Otañon egin zuten larubatean, an­biente ederra eta menu ederragoarekin. Joxe Miguel Azurmendik jarri zien bazkaria, eta eskerrik beroenak eman nahi dizkiote taldekideek Azurmendiri, urte guztian emandako laguntzagatik.

Buruntzaldeko Torneoan Urnietarentzat, gehienak
Urnietarrak ibili ziren in­dartsuen larunbatean, Bu­runtzaldeko Torneoan. Hala ere, Hernanira ere etorri zen txapel bat. Na­gu­sien mailan, Iñaki Esnal hernaniarrak irabazi egin zuen, 22-8, Zu­maia­ko Iribar lagun hartuta,

Barandiaran eta Gurutzal­de­ren kontra.
Jubeniletan, Loitegi eta Lizaso urnietarrek irabazi egin zuten, 22-21, Urkizu hernaniarra eta Andueza huartearraren kontra. Kade­teetan, larri-larri galdu zuten Loiarte eta Noble hernaniarrek, 22-21, Ezenarro eta Imazen kontra. Infan­ti­le­tan, berriz, Matxain eta Ex­posito añorgarrak nagusi, 18-9, Pagola eta Noble IIaren kontra.

Villabonan, Aizpitarte
Eneko Aizpitartek irabazi egin du Villabonako Tor­neoa, 22-13, Urbieta eta Zub­iriren kontra, ondo merezita.