Festetako azkeneko eguna izanagatik, badute zertan gozatu gaur aranoarrek eta inguratzen diren guztiek. Goizeko 10:00etan, meza izango da aurreneko ekitaldia. Ondoren, gaztetxoen arteko pelota partidua jokatuko dute Mujika eta Apezetxeak, Altsua eta Apezetxearen kontra; ondo ezagutzen dira elkar, beraz, ikuskizuna ez da faltako. Dantzariek hartuko diete erreleboa ondoren; Arano eta Goizuetakoek eskainiko dute emanaldia. Festak arratsaldean izango du segida. Puzgarriak eta ume jolasak izango dira lehendabizi; eta tripa bete, eta bide batez meriendatzeko, txokolatada, ondoren. Arno ganadutegiko aziendarekin jolasean ibiliko dira 19:00etan. Eta festetako azken orduak, Izer eta Alabierrek girotuko dute.
Arkume jatea, exito hutsa!
Hogetik gora arkume erre zituzten atzo Aranon, aurtengo nobedade gisa. 185 lagun elkartu, eta bete egin zen frontoian jarri zuten karpa. Ez zen haragi askorik sobratu, bapo janda bukatu baitzuten guztiek. Anbiente politta izan zuten, bazkarian zein ondorenean. Bertso zaharrak
entzun zituzten bazkalostean, eta goi mailako bertsolariek jarri zuten ginda: Rezola, Lujanbio, Soto eta Egañak.