auzotarrak elkartu, ondo pasa, dantzatu, barre egin... xarma haundia izaten dute auzoetako festek, eguneroko rutinako bizilagunekin une atsegin eta ahaztezinak pasatzeko aukera ematen baitute. Lizeagan orain lau urte berreskuratu zituzten, eta ordutik, urteroko hitzordua bete dute. Madalena eguna ospatzen dute, eta aurten astebete beranduago bada ere, prest dute guztia.
Jolasak eta lehiaketak,
goizean
Goizeko 09:30etan botatako suziriak lehertuko du festa, eta handik aurrera, izango da zertan ondo pasa. Umeentzako soka tira, lokotxa biltzea eta bestelako joku tradizionalak antolatu dituzte goizeko aurreneko orduan. Tarte horretan, lehiaketarako tortilla egiteko aukera izango dute hauen gurasoek eta auzotarrek. 11:15etan aurkeztu beharko dute Gay Murren; eta lehiaketa bera, ordu laurden geroago hasiko da. Aurretik, txistorra lehiaketa ere antolatu dute; eta eztarria bustitzeko, sagardo dastaketa.
Poteoa eta batukada,
paella jatearen aurretik
Bazkalordura bitartean, auzoko tabernetan izango da giroa, poteoarekin; kaleetan, Zozongok jarriko du martxa, batukadarekin. Eta bazkaltzera, auzotarrek egindako paellarekin elkartuko dira (tiketak aldez aurretik erosita).
Txiste lehiaketa, musika, saribanaketa...
bukatzeko
Juanjo izan zen txiste kontalari onena joan den urtean; aurten izango du konpetentzia ziur. 16:00etan hasiko da lehiaketa, eta ondoren, diskofesta antolatu dute DJ Nemuxekin. Toka txapelketa ere jokatuko dute, 18:00etan; eta honetako eta eguneko beste lehiaketetako sariak 19:00etan banatuko dituzte. Festa eguna iluntzeko 20:00etan agurtuko dute, urtebete barrura arte.
09:30 Txupinazoa
10:00 Umeentzako jokoak
11:00 Txistorra lehiaketa
11:15 Tortillak entregatzea
11:30 Tortilla patata lehiaketa
11:30 Sagardo dastaketa
12:30 Batukada Zozongorekin
12:30 Herri poteoa auzoan
14:00 Paella jatea
16:00 Txiste lehiaketa
17:00 Diskofesta DJ Nemuxekin
18:00 Toka txapelketa
19:00 Saribanaketa
20:00 Festen bukaera