ekainarekin batera bukatu ziren AEKko klaseak (ikasturte osokoak), eta horrekin batera, Zilegi Eskolak. Orain, balorazioa egiteko garaia da, eta AEKn gustura dira emaitzekin. Azaldu dutenez, AEKko ikasleek 15 gai edo tailerretan parte hartzeko aukera izan dute, Zilegi Eskolei esker. Hauen helburua da, euskera euskaltegiko paretetatik ateratzea, eta ikasle eta herritarrak elkarrekin aritzea. Euskera ez da izaten ikasgaia, baina bai tailer edo gai horietan parte hartzeko tresna.
Historia, elektrizitatea...
Hernani eta Astigarragako euskaltegiak kontuan izanda, landu dituzten gai edo tailerrak hauek izan dira, besteak beste: elektrizitatea, euskal dantzak, baratza balkoian, lehen sorospenak, automakillajea, historia, osasuna, sexualitatea... Herriko euskaldunek edo euskera ikasten ari direnek hartzen dute parte, interesa duen edonork eman baitezake izena, AEKn ikasi edo ez. Azaldu dutenez, interesa besterik ez da behar: «ez dira hitzaldiak, saio dinamikoak baizik. Partaideek eztabaidatu, hausnartu, landu, sortu... egiten dute; beti ere, euskeraz. Gaiak berriz, arlo bakoitzean adituak diren pertsonek ematen dituzte. Eskerrak eman nahi dizkiegu parte hartzen duten guztiei».
Datorren ikasturtera begira ari dira Zilegi Eskola berriak prestatzen, eta Urnietara zabaldu nahi lukete egitasmoa. Aurreikusi dituzten batzuk, hauek: argazkigintza, berrerabilpen zentrua...