Alex Ugalde Ormazabal munduko onenen artean dabil amurrai arrantzan. Elbi jaurtitze modalitatean, beste 55 arrantzale gazteren artean 18garren bukatu zuen Epeleko gazte honek, eta horretara iristeko Espainiako Txapelketa irabazi zuen aurrez. 11 herrialdetako arrantzale gazteak lehiatu dira Frantziako Mende herrian, norbera bere herrialdetik sailkatu ostean.
Lau arrantza lekutan aritu ziren jo eta ke: Charpal lakuan, eta Lot, Alier eta Colagne ibaietan. Lehendabiziko bi mangak bikainak egin zituen hernaniarrak, eta hirugarren postuan zijoan. Zorte pixka bat falta ordea, eta bukaeran 18garren. Taldeka laugarren postuan bukatu du Ugaldek, Eneko Lasa alegiarrarekin, eta Leon, Katalunia, eta Cuencako gazte banarekin taldea osatuta. Munduko talde onenak izan dituzte aurrean: Txekia, Estatu Batuak, Frantzia, Irlanda, Polonia, Eslovenia, Britania Haundia, Portugal, Italia eta Sudafrika.
Giro ederra gazteen artean, eta elkarri teknika berriak erakutsi eta amuak trukatzeko ederki etorri zaie. Hurrengo erronka, abuztuan, binakako txapelketa. Alegiko Eneko Lasarekin joango da Ugalde, Kataluniara.
Ugalde hernaniarra, munduko arrantzale abilenen artean
-Munduko 11 naziotako 55 arrantzale gazte Mende herrian lehiatu ziren, eta Alex Ugalde epeletarrak 18garren lekuan bukatu zuen.
-Taldeka laugarren postuan bukatu dute.
-Abuztuan, binakako txapelketan izango da Katalunian.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!