Hernaniko bi sagardotegik eta Donostialdeko beste 20 establezimenduk oraintxe bukatu dute formazio kurtsoa, Kalitatezko Turismoko ziurtagiria lortzeko. Teoria bukatu eta gainditu ostean, abuztuan eta irailean ebaluatuko dituzte, eta jakingo dute, lortu duten ziurtagiri hori: Konpromisoa, Kalitatezko Turismoarekin. Behemendik bultzatu du programa (SICTED kurtsoa), eta asmoa da, turismoarekin lanean ari diren establezimenduek kalitatezko zerbitzu bat ematea bezeroari. Hernaniko bi sagardotegiez gain, parte hartu dute jatetxe, agroturismo, pentsio, museo eta abarrek.