«eskerrak eman eta jai egun zoriontsua izan dezatela desiratuko diet gerturatzen diren guztiei», hitz horiekin hartuko du Alkate makila Juani Lukasek. Bixente Zaraguetak pasako dio testigua, eta urtebetean izango du kargua. Lanerako eta laguntzeko prest izan da beti, hala dio Jai Batzordeak, eta horregatik aukeratu dute Alkate; hala ere, erabakia sorpresa haundia izan da eguneko protagonistarentzat: «barru barrutik bizitzen ditut Karmen jaiak, eta beste askok bezala, ahal dudan guztian laguntzen dut... baina Alkate izendatzea... hori bai ez nuela espero».
Kaxkoan, bizi osoa
Kardaberaz kalean jaiotakoa da Juani Lukas, eta etxez aldatu bazen ere, kale berean egin du bizi osoa. Gaurko festa eguna, ohiko ritualarekin ospatuko du: «lehendabizi mezetara joaten naiz; ondoren, Karkaban jartzen duten Amarbijina ikustera gerturatuko naiz. Txupinazoa eta Alkate izendapena ere ez dut sekula galtzen; aurten berezia izango da, noski. Ondoren, bazkalkatzera elkartzen gara, eta arratsaldean kartetan aritzen gara. Sekulako juerga izaten dugu, badugu eta sekretu txiki bat gure artean. Nahikoa sardinda jan, eta dantzan bukatuko dugu eguna».