behar bereziak dituzten haurrei zaintza eta terapia egokia emateko sortu zen Pausoka Elkartea. Hernanin badu adar bat elkarteak, eta Kronikari azaldu zioten moduan, egun ez dago zerbitzu egokirik beraien beharrei erantzuna emateko. Ordutik hainbat proiektu jarri dituzte martxan, babesa eta dirulaguntzak lortzeko asmoarekin; plastikozko tapoiak jasotzeko kanpaina esaterako.
Proiektu berria,
boleibol torneoa
Helburu horiek lortzeko asmoarekin jarraitzen dute lanean, eta oraingo honetan proiektu berri batekin datoz. Boleibol torneo benefikoa antolatu dute. Larunbatean izango da, Zurriolan, arratsaldeko 15:00etan hasita.
Torneoa txiki zein helduei dago zuzendua, eta parte hartu nahi duenak izena eman behar du. Aldez aurretik emanez gero, pausokaelkartea@gmail.com helbidera idatzi behar da; bertan zehaztu behar dira taldearen eta partaideen izenak. Egunean bertan eman nahi duenak ere, izango du aukera.
Izen ematearen prezioa adinaren araberakoa izango da. Txikien prezioa 2 eurokoa izango da, eta taldeak 3 partaidekoak izango dira. Helduen kasuan, prezioa 4 eurokoa izango da, eta taldeak 4 partaidez osatutakoak edo mistoak izango dira.
Errifak, salgai
Errifak ere izango dira salgai, 0,50 euroan eta boleiboleko baloi ofizialak zozketatuko dituzte. Pausokako karpa ere izango da; kamisetak, brotxeak eta pultserak jarriko dituzte bertan.