Dena Aranon egina, Aranon hazia, izango dute Santiotan, herriko frontoian egingo duten arkume-jatean, uztailaren 28an. Lehenengo aldiz egingo dute arkume-jatea frontoian, karpa haundi bat ere jarriko dute, eta 200 lagun inguru bildu nahi ditu Jai-Batzordeak.
Jendea hasia da txartelak erosten, dagoeneko salgai jarriak baitituzte, Aranoko Kontzejuan, Hernaniko Deportibon, Ereñotzuko Irrintzin, Goizuetako kafetegian, Urnietako Kantoin, eta abar. Uztailaren 22ra arte egongo dira salgai. Asteburu honetatik aurrera 35 euroan jarriko zituztela esan zen, baina ez; azkenean erabaki dute, prezioa mantentzea, eta 28 euroan uztea. Haurren menua, 6 euro.
Menua, izan litekeen onena, bertako baserritarrek ekarria: entsalada mixta, arkumea, gazta eta kafea... Made in Arano, edozeinentzat tentagarri...