Rosario Roman Txaro hernaniarra hil zutela urtea bete zen atzo, eta hernaniar asko bildu ziren Urbieta kalean, ekintza hura salatu, eta familiari babesa ematera. Hernaniko udaleko eta talde ezberdinetako kideak bildu ziren bertara, familiarteko, lagun eta beste herritarrekin batera. Ordulaurdeneko kontzentrazioa egin zuten, eta lore sorta jarri zuten Urbieta kaleko eserleku batean.
Emozio haundiko momentua izan zen, eta familiak eta lagunek eskerrak eman zizkieten inguratutako guztiei. «Polita da hau guretzat. Babes haundia sentitzen dugu eta sentitu dugu, momenturik zailenetan. Juizioaren zai gaude orain, baina inportanteena da, babes hau sentitzea».