Gipuzkoako Odol Emaileen Elkarteak adierazi duenez, 2.500 odol-emaile gehiago behar ditu Gipuzkoak; guztira 20.500 odol-emaile. Gaur egun 18.000 odol-emaile daude Gipuzkoan, baina ez da nahikoa, eta 2014rako nahi dute 20.500 izatea. «Biztanleen %3, hori da daukagun helburua». Kanpaina berri horri deitu diote Gotanta, eta oraintxe ari dira bete-betean, ekainean hasi baitziren. Gipuzkoako Odol Emaileen Elkartea orain dela 47 urte jaio zen, eta 2014an 50 urte beteko ditu. Kanpaina hori ezagutzeko web orria jarri dute: www.gotanta.com. Informazio gehiago: 943 317 091.
Odol-ematea gaur
Hernaniko odol-emaileek gaur dute hitzordua odola emateko. Arratsaldeko 18:30etatik aurrera izango dira anbulatorioan. Hernaniko odol-emaileek bat egin dute Gotanta kanpainarekin, eta herritarrak animatu nahi dituzte odol-emaile egitera, gaur, anbulatorioan.