hernaniko langabetu taldea sortzeko aurreneko bilera maiatzean egin zuten. Ordutik ia astero elkartzen dira, Hernaniko egoera aztertu, langabetuan bizipenak ezagutu eta soluzioak bilatzeko intentzioarekin, besteak beste. Azaldu dutenez, euren esku dagoen guztia egiteko asmoa dute, egoera aldatze aldera.
Erronka berria
Gaurtik aurrera, erronka berria dute: Hernaniko langabetu guztien kurrikulumak jaso nahi dituzte, herriko lan potsa osatzeko. Zertarako? Hernanin lanpostu berriren bat sortzen bada, enpresek, tailerrek, tabernek, Udalak, edo behar duenak, Hernaniko langabetuen kurrikulumak izan ditzan langile hori kontratatzeko.
Bihartik ostegunera,
bilketa
Bihartik ostegunera bitartean bilduko dituzte kurrikulumak. Bihar eta asteazkenean 11:00etatik 13:00etara jasoko dituzte, Biteri barruan. Astearte eta ostegunean berriz, 18:00etatik 20:00etara jasoko dituzte, Plaza Berrin (euria egingo balu, Udaleko arkupetan).
Bloga, laister
Azaldu dutenez, blog bat ere ari dira egiten, langabetuak bertan izan dezaten Hernaniko bilera, albiste edo lan berrien informazio guztia.
Hurrengo bilera
Bilerei dagokienean, azaldu dutenez, hurrengoa uztailaren 9an izango da, Biterin, goizeko 12:00etan.