Gustora hartu zuten gazteek Tilosetako itzalpea.

Koadrilen eguna izan zen atzo eta ohitura den bezala koadrila ezberdinek elkarrekin bazkaldu zuten Tilosetan. Koadrila bakoitzak bere jatena eraman zuen: tortillak, paellak, entsaladak... denetarik izan zen. Parrila eraman zuenik ere izan zen. Bero egin zuen atzokoan eta Tilosetako itzalpea gustora hartu zuten guztiek. Tilosetan bildu ez ziren koadrilek ere bildu ziren bazkaltzeko euren elkarte eta txokoetan. Ondoren txarangarekin kalean gora eta behera ibiltzeko aukera izan zen.