Goizuetak antzerki taldea izan zuen Frankismo garaian eta hainbat obra egin zituzten herrian eta herritik kanpo. Euskeraz gainera. Horietako bi dira Uste diñat (1959) eta Aberatsak olaxe egiten (1962). Bi antzerki horiek egin zireneko argazkiak bildu dituzte eta baita testuak edo gidoiak ere eta erakusketa jarri dute. Dokumentu historiko horiek Ganbaran daude ikusgai ekaina bukatu arte, hau da, larunbatera arte.
Neskame kontuak eta
maitasun istorioa
Uste diñat antzezlanean neskameen arteko istorioak biltzen dira eta Aberatsak olaxe egiten maitasun istorio bat. Azken horren pasarte bat:
Praixku: (Ama-semeak su-ondoan exerita egongo dira, ama galtzerdi egiten eta semea ari begira) Ama...! `Enemoratua´ nago! Sukaldeko abe zar’etik zintzilika egoten dan urdai-aizpikoa, udarako beroakin bezalaxe, nere biotza urtzen ari da... maitasunez urtzen...! (Antsi bat atereaz) Ai maitasuna...! maitasuna...!
Antoni: (Par egiñaz) Baño seme... zer diok? Urdai azpikoarekin berdin jotzen al dek ire biotza?...