Festetako aurreneko Sokamuturra eta Axeri Dantza

San Joanetako aurreneko So­ka­muturra eta Axeri Dan­tza izango dira gaur, goiz es­natu edo­ta orain­­dik etxeratu ez direnen gozamenerako. Eta aurretik, hernaniarrak esna­tzeko Dia­na izango da, 07:00etan, Musika Eskolako dultzaineroen eskutik. Soka­muturra 07:30e­tan izango da Gudarien plazan eta Axeri Dantza 09:00etan hasiko da.

Haurrentzako parkea, Atsegindegin
Haurrei zuzendutako ekintza uga­ri izango dira gaurkoan. Goize­tik, esaterako, parkea izan­go dute Atsegindegin. Eguer­dian, erraldoi eta buruhaundien konpartsa aterako da Kriskitiña dantza taldearekin. Eta arratsaldean, Martxa izeneko emanaldia eskainiko dute Poxpolo eta konpainiak Atse­gin­degin eta pottokak eta xexenak izango dira Latsunben.

Txarangak, goiz, arratsalde eta gau
Txarangaren erritmora ibil­tze­ko aukera ere izango da gaurkoan. Goizean Santa Bar­bara txarangak girotuko ditu kaleak, arra­tsaldean Beti­koak txarangak eta gauean Incan­sables txarangak. Meza, Elorrabin hildakoen omenez 1978ko ekainaren 25ean, batel estropadak jokatzen ari zirela, Elorrabiko zubia erori zen eta bertan hildakoen omenez, me­za egin ohi da urtero. Aurten ere izango da; gaur hain zuzen, goizeko 11:00etan.

Gaur erabakiko da Hernaniko bolari onena
Herriko bolariak Hernaniko Txapelketa ari dira jokatzen eta gaur hirugarren eta azken tiraldia izango dute Floridan, Benta Berriko bolatokian. Tiraldia 18:00etan izango da.