San Joan suak daramala!

Ehundaka herritar bildu ziren atzokoan ere, suaren bueltan, Plazan. Izpiritu txarrak erre eta eskakizunak egin zituzten askok; gaueko festari eman zioten bidea beste batzuk... Roxario Pikabea basozainak piztu zuen, Aparrainsorotik ekarritako pinuekin egindako pila. Ohi baino txikiagoa izan zen atzokoa, baina besteak bezain majikoa. Suak indarra hartu zuenean, adin ezberdinetako emakumeek kantatu zuten Kantaitan, Lakun­tzako emakumeak garitara joaten ziren garaia gogora ekarriz. Aurreskua ere, dantzatu zuten suaren bueltan.