francesc Godoy faborito nagusi, eta Peru Alfaro faboritoen artean. Beste 850 lagun zein baino zein, aurrekoei leku bat lapurtzeko asmoz. Tartean, beste sei hernaniar. Donostiako Triatloi Olinpikoa jokatuko da, gaur, 09:15etatik aurrera, Atletiko San Sebastianek antolatuta, eta sona haundiko jendea dator, Godoy iazko irabazleaz gain: tartean izango da Australiako selekzioa ere, Olinpiadarako prestatzen.
1,5km igeri, 40km bizikletan, 10km korrika
Ez da nolanahiko proba gaurkoa. Neurri olinpikoetan ari beharko dute, eta zirkuitoa gogorra da zeharo. Bizikletan batez ere, Igeldora igo beharko dute, Oriotik, Orioko bentatik.
Peru Alfarok podiuma lortu lezake gaur, nahiz eta ez den bere neurri ideala. Alfarok triatloi azkarrak ditu gustuko, distantzia motzagokoak; baina luzean ere borrokatu du aurrekoen artean ibiltzeko.
Zumitza Triatloi Taldeko
sei kide
Beste sei hernaniar ere izango dira gaurko triatloian. Xabat Aizpiolea, Edu Carrera, Oier Cobo, Lander Muñoa, Asier Ocón eta Ines Arreitunandia.
Hutsik egin gabe ari dira Zumitzako kideak triatloi denboraldian. Lekeitioko triatloian lau hernaniar izan ziren. Emaitzak, hauek: emakumezkoetan 41garren, Ane Marin (1:33:51); gizonezkoetan, 78garren, Xabat Aizpiolea (1:10:45), 128garren Edu Carrera (1:13:22), eta 345garren Igor Elizegi (1:27:06).