Ojuelek eta Gorrotxategik konpromisozko partidua dute gaur, Gipuzkoako Herriarteko final erdietan. Joaneko hiru partidu jokatuko dituzte Hernanik eta Donostiak, 16:30etatik aurrera, kiroldegiko frontoian. Kadeteetan donostiarrak dira faborito; jubeniletan hernaniarrak; eta nagusietan oso berdindua joango da. Afizioaren indarrak ere beharko ditu Hernanik, gaur.
Loiarte eta Noble,
partidurik galdu gabe
Kadeteetan Iker Loiarte eta Hodei Noble hernaniarrak latz ari dira jokatzen, eta partidurik galdu gabe daude. Gaur, maila honetako bikoterik onenetakoa izango dute aurrean, Chiapuso eta Aranguren; azken hauek dira faborito, baina izerdirik bota gabe ez dira joango Hernanitik gaur.
Urkizu eta Murgiondo, indartsu
Jubeniletan, Murgiondo sekulako mailan ari da, eta Urkizuk frogatu du asko jokatu dezakeela. Bi hernaniarrak aterako dira faborito, donostiako bikote irregularraren kontra.
Nagusietan, espektakulua
Nagusietan egon liteke kakoa, eta baita espektakulu latza ere, gaurko jaialdian. Baez IIa eta Arzelus dira kategoriako onentsuenak, eta Gorrotxategi joku puntu onenean egon ez arren, edozeini neurria hartzeko gai da, eta gehiago, Ojuelek azken aldiko sasoia eta errematea ateratzen baditu.