Hernaniko bolariek eskerrak eman zituzten atzo, jasotako omenaldiagatik.

60 urtetik gora dira Hernaniko bolariak txapelketak jokatzera elkartzen direla. Euren bizitzako kirolaz hitz egiten dute, bolaz ari direnean, eta hala erakutsi dute urte guzti hauetan, egindako lana eta izandako konpromezuarekin. Hori saritze aldera, Jai Batzordeak aukeratu zituen txupinazoa botatzeko. Guztiak elkartu ziren atzo Plazan, omenaldia jaso eta herritarrei jai zoriontsuak desiatzera. Esker hitzak ere izan zituzten, euretaz gogoratu izanagatik.