butano kamioia Hernaniko kaleetan ibiliko da gaur, goiz guztian. Butanoa nahi dutenek, aukera izango dute beraz, bihar, butano bonbona etxean jasotzeko. Gas Garin enpresak jakinarazi du, Hernaniko kaleak oraindik ez dituela ondo ezagutzen, eta bihar horregatik pasako dela kalez kale, herria ezagutzeko. Hernaniko almazena orain dela bi aste itxi zuten, eta butanoa Goierritik ekartzen ari dira azken bi asteetan.
Butanoa non erosi
Bestalde, Gas Garinek jakinarazi du, butano bonbonak gasolindegi hauetan daudela: Lasarten (Zirkuito, 8), Zarautzen (Iñurritza), Oiartzunen bi (N1 eta Araneder), Donostian hiru (Bidebietan bi eta Ibaeta-Antiguon bat), eta Irunen bi. Hernaniko gasolindegietan ez dago bonbonarik, lehen almazena Hernanin zegoelako.
Urnietan ere erosi liteke bonbona, hernaniar batek baino gehiagok Kronikari jakinarazi dionez, eta Kronikak konfirmatu duenez. Manterola pentsu almazenean erosi liteke (Erratzu poligonoan).