Sagardo eta bertso artean bukatu dira San Antonioak

EReñotzuko San Antonio jaiak atzo bukatu ziren. Igan­dea izanik, aurreko urteetan egin bezala, diana, sagardo probaketa eta bertso jaialdia izan ziren eguna girotu zutenak. Eguraldia lagun, eguerdi partean, herritar ugari bildu zen plazan sagardo probaketaz gozatzera. Zazpi sagardo desberdin izan ziren aukeran eta txorixo pintxoak ere bai, sagardoari laguntzeko. Arratsaldean, punta-puntako bost bertsolariren saio­ak jarri zuen saltsa. Bertso saioaren ostean, suziriak jaurtiz agurtu zituzten festak.