Estebez ‘Roco’ nagusi, sekulako borrokaldia eginda

Iban Estebez Rocok sekulako borrokaldia egin zuen eta aurrean esperientzia haundiko arerio gogorra izan arren, garaipena lortu zuen. Ur­nietan bizi den boxeolari oreretarrak, jokatutako lau asaltoetatik hiru irabazi zizkion Rui Carvalho portugaldarrari. Irabazi ez zuen hori, baliogabea izan zen. Estebezek Kronikari azaldu bezala, presoei eta euren senideei eskaini zien garaipena.

Borrokaldi ikusgarriak
Estebez eta Carvalhoren ar­te­ko borroka, nazioarteko profesional mailakoa izan zen. Jaialdiko azkena izan zen, baina aurretik amateur mailako 6 borroka jokatu ziren eta saio ederrez goza­tzeko aukera izan zuten bertaratutakoek.
Lehenengo borrokan, Alon­­so eta Alfonso neurtu ziren, pisu ertainetan, eta baliogabea izan zen.
Bigarren borrokan, pisu su­per arinetan, Iker Famoso eta David Hernandez izan ziren aurrez aurre eta Famo­sok irabazi zuen, Hernan­de­zek borrokaldia utzi zuelako.
Hirugarrenean, oilar-pi­su­an, Fernando nagusitu zi­tzaion Davidi eta azken honek borrakaldia utzi zuen.
Laugarrenean, nesken ar­te­ko borrokaz gozatzeko auke­ra izan zen eta ikuskizun ederra eskaini zuten. Borro­kaldia baliogabea izan zen.
Bosgarrenean, pisu super ertainetan, bi boxeolariek, Jon Nagorek eta Yakoba Keitiak saio ona egin zuten eta borrokaldia baliogabea izan zen.
Seigarrenean, pisu ertainetan, Ramon Cid eta Coba lehiatu ziren eta emaitza baliogabea izan zen.
Orokorrean, gipuzkoarrek maila ona erakutsi zu­ten; berdinketarik izan ez zen kasuetan irabazi egin baitzuten.

Ikusleak, gustora
San Joanen bueltan antolatu ohi den jaialdi hau urtetik urtera arrakastatsuagoa izaten ari da. Antolatzaileek Kroni­kari azaldu diote ia 300 zaletu izan zirela jaialdian. Giroa ere sekulakoa izan zen eta ikusleak gustora geratu ziren.